A lustige Gschicht!

Hansel: He Sepp, host ghört. Die BfP hat an Antrag gstoid und der gesamte Stadtrat hod dem zuagstimmt.

Sepp: Wos für an Antrag?

Hansel: An Antrag auf Einführung eines Energiepreises für de Bürger. Des war am 14.01.2014 a in da Zeitung gstandn.

Sepp: Ja gibts des. Alle hom an Antrag der BfP zuagstimmt. Des kon doch ned sei. Des ist doch scheiß egal wos de für an Antrag stoin. Ablehna, immer ablehna!!!

Hansel: Na, des hom ma doch macha miaßn, weils ja um die Energiewende geht. Und de Greana san ja do a dafür gwen. Wia kenna doch ned gega unsere Verbündeten schiaßn. Aber wir hom des einfach ois flacka losn. Gmerkt hods a koana. Weder de Bürger, nu de Presse.

Sepp: Ha, ha. Des gibts ja ned. Und de Bürger für Penzberg homs so lang a ned gmerkt?

Hansel: De Bürger für Penzberg hom ma blitz. Wir san ja ned bled. Wir hom des Goid in den Haushalt eigstoid, aber mit meiner Anordnung an de Verwaltung nix zum macha.

Sepp: I kand varegga. Guad gmacht Hansel. Aber a bisserl duads ma um de Bürger scho leid. Jetzt wo mas sauba abzockt hom, hättens a paar Euronen verdient kappt. Aber wos sois. Machma weida so: MITEINANDER – NEUES GESTALTEN – GUTES BEHALTEN